SEKOLY SABATA
Dr. Rakotondravony Daniel, Fiangonan'Andriamanitra Miray
Tsi-FAHAFATESANA FENO VONINAHITRA
Ny olombelona dia mety maty, iharan'ny fahafatesana. Isika tsy manana fiainana mandrakizay sy hery lehibe mitoetra ao anaty. Fanomezan'Andriamanitra ny fiainana mandrakizay. Ny fananana ny Fanahy Masina ao anatintsika mandra-pahafaty, na mandra-piverin'i Kristy (raha mbola velona isika), no fanalahidin'ny fahazoana fiainana mandrakizay amin'ny fitsanganana amin'ny maty.
1. Inona no nanjo an'i Jesosy Kristy rehefa maty sy nalevina nandritra ny telo andro sy telo alina? 1 Kor. 15: 3-4; Mat. 12: 39-40.
(1 Korintiana 15:3) « Fa natolotro anareo ho isan'ny zavatra voalohany indrindra ilay noraisiko, dia izao: Kristy maty noho ny fahotantsika araka ny Soratra Masina, » (1 Korintiana 15:4) « dia nalevina, ary natsangana tamin'ny andro fahatelo araka ny Soratra Masina; »
(Matio 12:39) « Fa Jesosy namaly ka nanao taminy hoe: Izay taranaka ratsy fanahy sy mijangajanga dia fatra-pitady famantarana; nefa tsy hisy famantarana homena azy, afa-tsy famantarana ny amin'i Jona mpaminany; » (Matio 12:40) « fa tahaka ny nitoeran'i Jona hateloan'andro sy hateloan'alina tao an-kibon'ny hazandrano lehibe, dia toy izany no hitoeran'ny Zanak'olona hateloan'Andro sy hateloan'alina ao anatin'ny tany. »
Ahoana no nananganan'ny Ray an'i Kristy tamin'ny maty? Efes. 1: 17-2l. (Mariho fa ny andininy 17 dia mampiseho fa Andriamanitra Ray sy Kristy no resahina eto.)
(Efesiana 1:17) « mba homen'Andriamanitr'i Jesosy Kristy Tompontsika, Rain'ny voninahitra, ho anareo ny fanahin'ny fahendrena sy ny fanambarana amin'ny fahalalana Azy tsara, » (Efesiana 1:18) « ary mba hampahiratina ny mason'ny sainareo, mba ho fantatrareo izay fanantenana avy amin'ny fiantsoany sy izay haren'ny voninahitry ny lovany eo amin'ny olona masina, » (Efesiana 1:19) « ary ny fihoaran'ny halehiben'ny heriny ho antsika izay mino, araka ny fiàsan'ny herin'ny faherezany, » (Efesiana 1:20) « izay nataony tao amin'i Kristy tamin'ny nananganany Azy tamin'ny maty sy ny nampitoerany Azy eo amin'ny tànany ankavanana any an-danitra, » (Efesiana 1:21) « ambony lavitra noho ny fanapahana rehetra sy ny fahefana sy ny hery sy ny fanjakana ary ny anarana rehetra izay tononina, tsy amin'izao fiainana izao ihany, fa amin'ny ho avy koa. »
Fanamarihana: Mazava fa tamin'ny herin'ny fahagagana avy amin'ny Fanahy Masina no nananganan'ny Ray an’i Kristy tamin'ny maty ho amin'ny tsy fahafatesana, ny fahefana ary ny hery lehibe.
2. Nisy ve ny vavolombelon’ny fitsanganan'i Kristy tamin'ny maty? 1 Kor. 15: 4-8.
(1 Korintiana 15:4) « dia nalevina, ary natsangana tamin'ny andro fahatelo araka ny Soratra Masina; » (1 Korintiana 15:5) « ary niseho tamin'i Kefasy Izy, dia vao tamin'ny roa ambin'ny folo lahy koa. » (1 Korintiana 15:6) « Rehefa afaka izany, dia niseho tamin'ny rahalahy tsy omby dimam-jato Izy, ny ankamaroan'ireny dia mbola velona mandraka ankehitriny, fa ny sasany efa nodi-mandry. » (1 Korintiana 15:7) « Rehefa afaka izany, dia niseho tamin'i Jakoba Izy, dia tamin'ny Apostoly rehetra. » (1 Korintiana 15:8) « Ary faran'izy rehetra, izaho, izay toy ny tsy tonga volana aza, dia mba nisehoany koa. »
3. I Kristy ve no voalohany amin'ny olona hitsangana amin'ny fiainana mandrakizay? Asan’ny Apostoly 26:23; Kolosiana 1:18; 1 Kor. 15: 22-23; Rom. 8:29.
(Asan'ny Apostoly 26:23) « fa Kristy tsy maintsy mijaly ary ho voalohany hitsangana amin'ny maty ka hitory fahazavana amin'ny olona Isiraely sy amin'ny jentilisa. »
(Kolosiana 1:18) « Ary Izy no Lohan'ny tena, dia ny fiangonana*; Izy no voalohany, dia ny Lahimatoa tamin'ny maty, mba ho Lohany amin'ny zavatra rehetra Izy. [* Gr. eklesia] » (1 Korintiana 15:4) « dia nalevina, ary natsangana tamin'ny andro fahatelo araka ny Soratra Masina; » (1 Korintiana 15:5) « ary niseho tamin'i Kefasy Izy, dia vao tamin'ny roa ambin'ny folo lahy koa. » (1 Korintiana 15:6) « Rehefa afaka izany, dia niseho tamin'ny rahalahy tsy omby dimam-jato Izy, ny ankamaroan'ireny dia mbola velona mandraka ankehitriny, fa ny sasany efa nodi-mandry. » (1 Korintiana 15:7) « Rehefa afaka izany, dia niseho tamin'i Jakoba Izy, dia tamin'ny Apostoly rehetra. » (1 Korintiana 15:8) « Ary faran'izy rehetra, izaho, izay toy ny tsy tonga volana aza, dia mba nisehoany koa. »
(1 Korintiana 15:22) « Fa tahaka ny ahafatesan'ny olona rehetra ao amin'i Adama no ahaveloman'ny olona rehetra kosa ao amin'i Kristy. » (1 Korintiana 15:23) « Nefa samy amin'ny filaharany avy: Kristy no santatra; rehefa afaka izany, dia izay an'i Kristy amin'ny fihaviany. »
(Romana 8:29) « satria izay fantany rahateo no notendreny koa hitovy endrika amin'ny Zanany, mba ho Lahimatoa amin'ny rahalahy maro Izy. »
4. Mampanantena ve ny Ray fa hanangana ireo Kristiana notorontoronin’ny Fanahy ho amin'ny tsy fahafatesana toy izay nataony tamin’i Jesosy? 1 Kor. 6:14; 15: 49-54; 1 Tes. 4: 15-17; Galatiana 3:29, 4: 7; Titosy 3: 7.
(1 Korintiana 6:14) « Ary Andriamanitra efa nanangana ny Tompo sady hanangana antsika koa amin'ny heriny. »
(1 Korintiana 15:49) « Ary toy ny nitondrantsika ny endriky ny amin'ny tany no hitondrantsika ny endrik'ilay any an-danitra koa. » (1 Korintiana 15:50) « Fa izao no lazaiko, ry rahalahy: Ny nofo aman-drà tsy mahazo mandova ny fanjakan'Andriamanitra, ary ny fahalòvana tsy mandova ny tsi-fahalòvana. » (1 Korintiana 15:51) « Indro, zava-miafina no ambarako aminareo: tsy hodi-mandry avokoa isika rehetra, » (1 Korintiana 15:52) « fa vetivety, toy ny indray mipi-maso, rehefa maneno ny trompetra farany, dia hovana isika rehetra; fa hotsofina ny trompetra, ary ny maty hatsangana tsy ho lò intsony, ary isika hovana. » (1 Korintiana 15:53) « Fa ity mety lò ity tsy maintsy hitafy ny tsi-fahalòvana, ary ity mety maty ity tsy maintsy hitafy ny tsi-fahafatesana. » (1 Korintiana 15:54) « Fa rehefa mitafy ny tsi-fahalòvana ity mety maty ity, ary mitafy ny tsi-fahafatesana ity mety maty ity, dia ho tanteraka ny teny voasoratra hoe: Ny fahafatesana noresena ka levona* (Isa. 25. 8). [* Gr. voatelina ka resy] »
(1 Tesaloniana 4:15) « Fa izao no lazainay aminareo amin'ny tenin'ny Tompo: isika, izay velona ka mbola mitoetra mandra-pihavin'ny Tompo, dia tsy mba hialoha izay efa nodi-mandry tsy akory. » (1 Tesaloniana 4:16) « Fa ny tenan'ny Tompo no hidina avy any an-danitra amin'ny fiantsoana sy ny feon'ny arikanjely ary ny trompetran'Andriamanitra, ka izay maty ao amin i Kristy no hitsangana aloha; » (1 Tesaloniana 4:17) « ary rehefa afaka izany, dia isika izay velona ka mbola mitoetra no hakarina hiaraka aminy ho eny amin'ny rahona hitsena ny Tompo any amin'ny habakabaka; dia ho any amin'ny Tompo mandrakariva isika. »
(Galatiana 3:29) « Fa raha an'i Kristy ianareo, dia taranak'i Abrahama sy mpandova araka ny teny fikasana. »
(Galatiana 4:7) « Ka dia tsy mpanompo intsony ianao, fa zanaka: ary raha zanaka, dia mpandova koa noho ny ataon'Andriamanitra. »
(Titosy 3:7) « mba hohamarinina amin'ny fahasoavany isika ka ho tonga mpandova araka ny fanantenana ny fiainana mandrakizay. »
Tena ilaina tokoa ve ny hitoeran’ny Fanahy Masina ao amintsika mba hahazoana fiainana mandrakizay amin'ny fitsanganana amin'ny maty? Rom. 8: 9-11, 14-17.
(Romana 8:9) « Fa ianareo tsy ao amin'ny nofo, fa ao amin'ny Fanahy, raha ny Fanahin'Andriamanitra no mitoetra ao anatinareo. Fa raha misy kosa tsy manana ny Fanahin'i Kristy, dia tsy Azy izy. » (Romana 8:10) « Fa raha Kristy no mitoetra ao anatinareo, na dia maty ihany aza ny tena noho ny ota*, dia fiainana kosa ny fanahy noho ny fanamarinana. [*Na: na dia maty ny tena noho ny ota, fa] » (Romana 8:11) « Ary raha ny Fanahin'izay nanangana an'i Jesosy tamin'ny maty no mitoetra ao anatinareo, dia Izay nanangana an'i Kristy Jesosy tamin'ny maty no hamelona ny tenanareo mety maty amin'ny Fanahiny, Izay mitoetra ao anatinareo. »
(Romana 8:14) « Fa izay tarihin'ny Fanahin'Andriamanitra no zanak'Andriamanitra. » (Romana 8:15) « Fa tsy nandray ny fanahim-pahandevozana ho amin'ny tahotra indray ianareo, fa nandray ny fanahin'ny zanaka natsangana, izay iantsoantsika hoe: Aba, Ray ô. » (Romana 8:16) « Ny Fanahy dia miara-milaza amin'ny fanahintsika fa zanak'Andriamanitra isika. » (Romana 8:17) « Ary raha zanaka, dia mpandova; eny, sady mpandova an'Andriamanitra no mpiray lova amin'i Kristy koa, raha miara-miaritra aminy isika mba hiara-manam-boninahitra aminy koa. » (Romana 8:29) « satria izay fantany rahateo no notendreny koa hitovy endrika amin'ny Zanany, mba ho Lahimatoa amin'ny rahalahy maro Izy. »
Fanamarihana: Ny Soratra Masina manambara mazava fa Andriamanitra dia maniry hanandratra ny olona mety maty ho amin’ny toetran’Andriamanitra, - izany hoe ho tena Mpikambana Teraka Ara-Panahy, ao amin'ny Fianakavian'Andriamanitra. Miharihary koa fa izay manana ny Fanahin'Andriamanitra (na nanana tamin'ny fotoana nahafatesany), dia homena ny fiainana mandrakizay amin'ny fiverenan'i Kristy. Ireo olona ireo, izay tena Kristiana - dia notorontoronin’ny Fanahin'Andriamanitra ary naneho ny "vokatry" ny Fanahy Masina (Gal 5: 22-23) ao amin'ny fiainany. (Ny "vokatry ny Fanahy" no hodinihina taty aoriana ity lesona ity.)
(Galatiana 5:22) « Fa ny vokatry ny Fanahy kosa dia fitiavana, fifaliana, fiadanana, fahari-po, fahamoram-panahy, fanaovan-tsoa, fahamarinana, » (Galatiana 5:23) « fahalemem-panahy, fahononam-po; tsy misy lalàna manohitra izany. »
Isika raha notorontoronin’ny Fanahin'Andriamanitra dia "mpandova" tsifahafatesana (handova amin’ny ho avy), tsy mety lò, tonga lafatra, ary mahery indrindra araka ny fiainan’Andriamanitra!
1. Rahoviana, ary manao ahoana ny hafainganan’ny hanovana ny olona nateraky ny Fanahy ho amin'ny tsy fahafatesana? 1 Tes. 4:16; 1 Kor. 15: 51-52.
(1 Tesaloniana 4:16) « Fa ny tenan'ny Tompo no hidina avy any an-danitra amin'ny fiantsoana sy ny feon'ny arikanjely ary ny trompetran'Andriamanitra, ka izay maty ao amin i Kristy no hitsangana aloha; »
(1 Korintiana 15:51) « Indro, zava-miafina no ambarako aminareo: tsy hodi-mandry avokoa isika rehetra, » (1 Korintiana 15:52) « fa vetivety, toy ny indray mipi-maso, rehefa maneno ny trompetra farany, dia hovana isika rehetra; fa hotsofina ny trompetra, ary ny maty hatsangana tsy ho lò intsony, ary isika hovana. »
6. Karazana vatana inona no azon'i Jesosy tamin'ny nitsanganany tamin'ny maty? 1 Kor. 15: 44-45.
(1 Korintiana 15:44) « afafy tena araka ny fomban'aina izy, atsangana ho tena araka ny fombam-panahy. Raha misy tena araka ny fomban'aina, dia misy araka ny fombam-panahy koa. » (1 Korintiana 15:45) « Ary araka izany koa no voasoratra hoe: Adama voalohan-dahy natao manan'aina (Gen. 2. 7); Adama farany natao fanahy mahavelona. »
Moa ve ireo izay novana amin'ny fitsanganana amin'ny maty dia homena vatana mamirapiratra mitovy amin'i Jesosy Kristy ankehitriny? Fil. 3: 20-21; 1 Jaona 3: 2.
(Filipiana 3:20) « Fa ny fanjakantsika dia any an-danitra, ary avy any koa no iandrasantsika Mpamonjy, dia Jesosy Kristy Tompo, » (Filipiana 3:21) « Izay hanova ny tenan'ny fietren-tenantsika ka hitovy endrika amin'ny tenan'ny voninahiny, araka ny fiàsan'ny heriny, izay ahaizany hampanaiky ny zavatra rehetra ho Azy. »
(1 Jaona 3:2) « Ry malala, ankehitriny aza dia zanak'Andriamanitra isika, nefa tsy mbola naseho izay ho toetsika rahatrizay. Fantatsika fa raha hiseho Izy, dia ho tahaka Azy isika, fa ho hitantsika Izy, dia izay tena endriny tokoa. »
Fanamarihana: Ny vatana mety maty eto an-tany dia hovaina ho vatana fanahy, raha mbola velona amin'ny fotoana hiverenan'i Kristy. Raha efa maty, dia hatsangana amin'ny maty, omena vatana vaovao, fanahy toa an'i Kristy ankehitriny.
7. Moa ve i Jesosy, niaraka tamin'ny vatany noforonin'ny fanahy, tonga tampoka ary nanjavona? Lioka 24: 36-37, 31.
(Lioka 24:36) « Ary raha mbola nilaza izany izy, Jesosy dia nitsangana teo afovoany ka nanao taminy hoe: Fiadanana ho anareo. » (Lioka 24:37) « Dia taitra sady raiki-tahotra izy, satria nataony fa nahita matoatoa izy. » (Lioka 24:31) « Dia nahiratra ny mason'ireo, ka nahalala Azy; fa Izy kosa dia tonga tsy hitany. »
Afaka namakivaky ny sakana na ny rindrina ve izy? Jaona 20:19.
(Jaona 20:19) « Ary rehefa harivan'ilay andro voalohany amin'ny herinandro, raha voarindrina ny varavaran'izay niangonan'ny mpianatra, noho ny fahatahorany ny Jiosy, dia tonga Jesosy ka nitsangana teo afovoany, dia nanao taminy hoe: Fiadanana ho anareo. »
Afaka mamadika ny tenany ho nofo sy taolana mety maty ve ny fanahy iray raha ilaina? Lioka 24: 37-39.
(Lioka 24:37) « Dia taitra sady raiki-tahotra izy, satria nataony fa nahita matoatoa izy. » (Lioka 24:38) « Nefa hoy Jesosy taminy: Nahoana no taitra ianareo? ary nahoana no miahanahana ny fonareo? » (Lioka 24:39) « Izahao ny tanako sy ny tongotro, fa Izaho no Izy; tsapao Aho, ka jereo, fa ny matoatoa tsy mba manana nofo sy taolana, tahaka izao ahitanareo Ahy izao. »
Fanamarihana: Rehefa lasa fanahy ny olona iray, dia ho afaka hanao zavatra mahagaga ihany koa, sahala amin’izay nataon'i Kristy. Mazava ho azy fa ny mpikambana ao amin'ny fianakavian'Andriamanitra, manana ny toetran'Andriamanitra, dia hiasa mandrakariva araka ny sitrapon'ny Ray, izay ho mpitantana ny zava-drehetra hatrany.
(Jaona 20:17) « Hoy Jesosy taminy: Aza manendry Ahy; fa tsy mbola niakatra tany amin'ny Ray Aho; fa mandehana mankany amin'ny rahalahiko, ka lazao aminy hoe: Miakatra ho any amin'ny Raiko sy ny Rainareo Aho, ary ho any amin'Andriamanitro sy Andriamanitrareo. » (Jaona 20:19) « Ary rehefa harivan'ilay andro voalohany amin'ny herinandro, raha voarindrina ny varavaran'izay niangonan'ny mpianatra, noho ny fahatahorany ny Jiosy, dia tonga Jesosy ka nitsangana teo afovoany, dia nanao taminy hoe: Fiadanana ho anareo. » (Jaona 20:20) « Ary rehefa nilaza izany Izy, dia nasehony azy ny tànany sy ny lanivoany. Dia faly ny mpianatra, raha nahita ny Tompo. »
(Matio 28:9) « Ary, indro, Jesosy nifanena taminy ka nanao hoe: Finaritra. Ary izy ireo nanatona, dia nihazona ny tongony ka niankohoka teo anatrehany. »
Fanamarihana: Talohan'izay, taorian'ny andro nitsanganany tamin'ny maty, dia tsy namela ny iray tamin'ireo mpianany hikasika Azy Jesosy, satria tsy mbola niakatra tany amin'ny seza fiandrianan'ny Rainy any an-danitra Izy. Saingy tamin'io andro io ihany, navelan'i Kristy hikasika Azy ny mpianany. Mampiseho izany fa nandeha tany amin'ny Ray any an-danitra Izy ary niverina teto an-tany tamin'io andro io!
9. Raha vao niova ho fanahy ny olona iray, dia mbola mety ho faty ve izy? - Lioka 20: 35-36.
(Lioka 20:35) « fa izay atao miendrika hahazo izany fiainana izany sy ny fitsanganana amin'ny maty kosa dia tsy raha mampaka-bady, na avoaka hampakarina; » (Lioka 20:36) « ary tsy mety maty intsony izy, fa mitovy amin'ny anjely sady zanak'Andriamanitra, satria zanaky ny fitsanganana amin'ny maty. »
10. Nankalazaina ve i Jesosy taorian'ny nitsanganany? Jaona 17: 5; Heb. 2: 9.
(Jaona 17:5) « Ary ankehitriny, Ray ô, mankalazà Ahy amin'ny tenanao, dia amin'ny voninahitra niarahako nanana taminao, fony tsy mbola ary izao tontolo izao. »
(Hebreo 2:9) « Fa Ilay natao ambany kely* noho ny anjely no hitantsika, dia Jesosy, ary noho ny fitondrany ny fahafatesana dia voasatroka voninahitra aman-daza Izy, mba hanandrana fahafatesana hamonjy ny olona rehetra noho ny fahasoavan'Andriamanitra. [*Na: vetivety] »
Manao ahoana no nisehoan'ny vatana be voninahitr’i Kristy tamin'ny fahitan’ny Apostoly Jaona? Apok 1: 13-16. (Ilay "Zanak'olona" voatonona eto dia ilay Kristy nomem-boninahitra.)
(Apokalypsy 1:13) « ary teo afovoan'ny fanaovan-jiro dia nisy Anankiray tahaka ny Zanak'olona* niakanjo akanjo lava hatrany an-tongony sady nisikina fisikinam-bolamena teo amin'ny tratrany.[Na: toa zanak'olona] » (Apokalypsy 1:14) « Ary ny lohany sy ny volony dia fotsy tahaka ny volon'ondry fotsy, dia tahaka ny oram-panala, ary ny masony tahaka ny lelafo; » (Apokalypsy 1:15) « ary ny tongony tahaka ny varahina manganohano, hoatra ilay voadio teo amin'ny fandrendrehana iny; ary ny feony toy ny firohondrohon'ny rano be. » (Apokalypsy 1:16) « Ary nitana kintana fito teny an-tànany ankavanana Izy; ary nisy sabatra maranitra roa lela nivoaka avy teo am-bavany; ary ny tarehiny dia tahaka ny masoandro mamirapiratra amin'ny heriny. »
Fanamarihana: Talohan'ny nahatongavan'i Jesosy ho olombelona, dia nanana vatana be voninahitra sy mapirapiratra, toy ny an'ny Rainy Izy. Taorian'ny nitsanganany tamin'ny maty dia naverina tamin'ny laoniny izany voninahitra nananany izany. Ny vatana fanahin’i Kristy, be voninahitra sy mahery, dia mamiratra toy ny masoandro!
(Romana 8:17) « Ary raha zanaka, dia mpandova; eny, sady mpandova an'Andriamanitra no mpiray lova amin'i Kristy koa, raha miara-miaritra aminy isika mba hiara-manam-boninahitra aminy koa. »
(Kolosiana 3:4) « Raha hiseho Kristy fiainantsika, dia hiara-miseho aminy koa amin'ny voninahitra ianareo. »
12. Moa ve Jesosy nanome fahitana, tamin’ny mpianany telolahy, ampahany momba izany toe-javatra mendrika izany? Mat. 17: 1-2.
(Matio 17:1) « Ary nony afaka henemana, Jesosy dia naka an'i Petera sy Jakoba ary Jaona rahalahiny ka nitondra azy niakatra ho any an-tendrombohitra avo mba hitokana. » (Matio 17:2) « Dia niova tarehy teo anatrehany Izy, ka ny tavany namirapiratra tahaka ny masoandro, ary ny fitafiany tonga fotsy tahaka ny mazava. »
Inona no andinin-tSoratra Masina hafa maneho ny Fanjakana be voninahitra ho avy amin'ireo izay haterak'Andriamanitra amin'ny fitsanganana amin'ny maty? Dan. 12: 2-3.
(Daniela 12:2) « Ary maro amin'izay matory ao amin'ny vovoky ny tany no hifoha: ny sasany ho amin'ny fiainana mandrakizay, ary ny sasany ho amin'ny henatra sy ny latsa mandrakizay. » (Daniela 12:3) « Ary izay hendry dia hamirapiratra toy ny famirapiratry ny lanitra; ary izay mamerina ny maro ho amin'ny fahamarinana dia ho tahaka ny kitana mandrakizay doria. »
Fanamarihana: Ny voninahitra lehibe izay tokony ho azon'ireo zanak'Andriamanitra notorontoronin’ny Fanahy Masina, amin'ny fitsanganana amin'ny maty, dia ho lehibe tokoa, ka hampamirapiratra azy ireo toy ny kintana amin'ny lanitra - ho toy ny masoandro ao anaty heriny feno!