MANDROSO HO ANY AMIN’NY FANJAKAN’ANDRIAMANITRA
NY HERIN’NY FANAHY MASINA
NY VOKATRY NY FANAHY
TENIN’ANDRIAMANITRA
Deotoronomia
6:1-9
Jaona 15:1-8
Galatiana 5: 16-26
Deotoronomia 6:1-9
[Ny amin'ny
fitiavana an'Andriamanitra]
(Deo 6:1)
« Ary izao no lalàna, dia ny didy sy ny fitsipika, izay nasain'i Jehovah
Andriamanitrareo hampianarina anareo mba harahinareo any amin'ny tany izay
alehanareo holovana, » (Deo 6:2)
« mba hatahoranao an'i Jehovah Andriamanitrao, hitandremanao ny lalàny
rehetra sy ny didiny izay andidiako anao, dia ianao sy ny zanakao ary ny
zafinao, amin'ny andro rehetra hiainanao, mba ho maro andro ianao. » (Deo 6:3) « Koa mihainoa, ry
Isiraely, ka mitandrema hanaraka izany, mba hahita soa ianao, ary mba
hitomboanareo indrindra, araka izay nolazain'i Jehovah, Andriamanitry ny
razanao, taminao, dia any amin'ny tany tondra-dronono sy tantely. » (Deo 6:4) « Mihainoa, ry Isiraely:
Jehovah Andriamanitsika dia Jehovah iray ihany. » (Deo 6:5) « Ary tiava an'i Jehovah Andriamanitrao amin'ny fonao
rehetra sy ny fanahinao rehetra ary ny herinao rehetra. » (Deo 6:6) « Ary aoka ho
ao am-ponao izao teny andidiako anao anio izao. » (Deo 6:7) « Dia ampianaro tsara ny zanakao izany, ary resaho,
na mipetraka ao an-tranonao ianao, na mandeha any an-dalana, na mandry, na
mifoha; » (Deo 6:8) « ary
fehezo ho famantarana eo amin'ny tananao ireny, ary aoka ho fehy
fampahatsiarovana eo ambonin'ny handrinao, » (Deo 6:9) « ary soraty eo amin'ny tolam-baravaran'ny tranonao
sy eo amin'ny vavahadinao. »
Jaona 15:1-8
[Fanoharana ny
amin’ny voaloboka sy ny sampany, ary ny firaisan’i Jesosy sy ny mpianany
(Jaona 15:1) « Izaho no tena voaloboka, ary ny Raiko
no mpamboatra. » (Jaona 15:2) « Ny sampany rehetra eo amiko izay tsy
mamoa dia esoriny; fa ny sampany rehetra izay mamoa kosa dia amboariny*, mba
hamoa bebe kokoa. [*Gr dioviny] » (Jaona 15:3) « Efa madio rahateo
ianareo noho ny teniko, izay nolazaiko taminareo. » (Jaona 15:4) « Tomoera amiko ary Izaho aminareo. Tahaka ny sampany
tsy mahay mamoa ho azy, raha tsy miray amin'ny voaloboka izy, dia toy izany koa
ianareo, raha tsy miray amiko. » (Jaona 15:5) « Izaho no voaloboka,
ianareo no sampany. Izay miray amiko, ary Izaho aminy, dia mamoa be izy; fa
raha misaraka amiko kosa ianareo, dia tsy mahay manao na inona na inona. »
(Jaona 15:6) « Raha misy tsy miray amiko, dia ariana eny ivelany tahaka ny
sampany izy ka malazo; ary angonina izy ka atsipy ao anaty afo, dia ho
may. » (Jaona 15:7) « Raha miray amiko ianareo, ka mitoetra
ao anatinareo ny teniko, dia angataho izay tianareo na inona na inona, fa ho
tonga aminareo izany. » (Jaona 15:8) « Izany no ankalazana ny Raiko,
mba hamoazanareo be ka ho tonga mpianatro ianareo. »
Galatiana 5: 16-26
[Famporisihana
ny Galatiana tsy hahavery ny fahafahany, fa hazoto handroso amin'ny
fitondran-tena tsara]
(Gal 5:16)
« Fa hoy izaho: Mandehana araka ny Fanahy, dia tsy hahatanteraka ny
filan'ny nofo ianareo. » (Gal 5:17)
« Fa ny nofo manohitra ny Fanahy, ary ny Fanahy manohitra ny nofo; ary
mifanohitra izy roroa, mba tsy hahazoanaroeo manao izay zavatra
tianareo. » (Gal 5:18)
« Fa raha tarihin'ny Fanahy ianareo, dia tsy mba ambanin'ny lalàna. »
(Gal 5:19) « Fa miharihary ny
asan'ny nofo, dia izao: Fijangajangana, fahalotoana, fijejojejoana, » (Gal 5:20) « fanompoan-tsampy,
fanaovana ody ratsy, fandrafiana, fifandirana, adi-lahy, fiafonafonana,
fifampiandaniana, fisarahana, fitokoana, » (Gal 5:21) « fialonana, fahamamoana, filalaovan-dratsy, ary ny
toy izany, izay lazaiko aminareo rahateo, tahaka ny voalazako fahiny koa, fa
izay manao izany dia tsy handova ny fanjakan'Andriamanitra. » (Gal 5:22) « Fa ny vokatry ny
Fanahy kosa dia fitiavana, fifaliana, fiadanana, fahari-po fahamoram-panahy,
fanaovan-tsoa, fahamarinana, » (Gal
5:23) « fahalemem-panahy, fahononam-po; tsy misy lalàna manohitra
izany. » (Gal 5:24) « Fa
izay an'Kristy Jesosy dia efa nanombo ny nofony mbamin'ny faniriany sy ny
filany tamin'ny hazo fijaliana. » (Gal
5:25) « Raha velon'ny Fanahy isika, dia aoka handeha araka ny
Fanahy. » (Gal 5:26)
« Aoka isika tsy handrani-tena foana ka hifampihaika sy
hifampialona. »
TORITENY
NY VOKATRY NY FANAHY
Deotoronomia 6:1-9
Detoronomia 6:1-3 « Ary izao no lalàna, dia ny didy sy ny fitsipika, izay nasain'i
Jehovah Andriamanitrareo hampianarina anareo mba harahinareo any amin'ny tany
izay alehanareo holovana, » (Deo
6:2) « mba hatahoranao an'i Jehovah Andriamanitrao, hitandremanao ny
lalàny rehetra sy ny didiny izay andidiako anao, dia ianao sy ny zanakao ary ny
zafinao, amin'ny andro rehetra hiainanao, mba ho maro andro ianao. » (Deo 6:3) « Koa mihainoa, ry
Isiraely, ka mitandrema hanaraka izany, mba hahita soa ianao, ary mba
hitomboanareo indrindra, araka izay nolazain'i Jehovah, Andriamanitry ny
razanao, taminao, dia any amin'ny tany tondra-dronono sy tantely. »
Ny Didy
sy fitsipik’i Jehovah dia natao hampianarina sy hotandremana ary hankatoavina,
satria Teny vavolombelon’ny fifanekena tamin’i Jehovah sy ny olony.
Ny fahatahorana
an’i Jehovah miteraka fankatoavana sy fitandremana ny didiny sy ny fitsipiny
rehetra.
Ny
fitandremana ny didy mitondra soa sy fitahiana ho an’izay mitandrina manao
izany, sady famonjena ho azy.
ð Jehovah mampahatsihy ny nitondrany ny Zanak’Isiraely nivoaka avy
tamin’ny fahandevozana tany Egypta sy ny nanomezany ny Didy folo tao
an-tendrombohitra Sinay, ho fanamafisana ny fanekena nataony taminy.
·
Izao no zavatra niseho tamin’izany fotoana nanomezan’i
Jehovah ny Didy folo izany:
ü (Eksodosy 19:5) « Koa
ankehitriny, raha hihaino ny feoko tokoa ianareo ka hitandrina ny fanekeko, dia
ho rakitra soa ho Ahy mihoatra noho ny firenena
rehetra ianareo; fa Ahy ny tany rehetra. »
ü (Eksodosy 20:20) « Dia hoy Mosesy tamin'ny olona: Aza
matahotra; fa tonga Andriamanitra mba hizaha toetra anareo, ary mba ho eo anatrehan'ny tavanareo ny fahatahorana
Azy, mba tsy hanotanareo. »
ü (Deotoronomia 5:29)
« Koa tandremo mba hanao araka izay efa nandidian'i Jehovah
Andriamanitrareo anareo; aza mivily, na ho amin'ny ankavanana, na ho amin'ny
ankavia; » (Deotoronomia 5:30)
« fa ny lalana rehetra izay nandidian'i Jehovah Andriamanitrareo anareo no
halehanareo, mba ho velona ianareo ka hahita
soa, ary ho maro andro any amin'ny tany izay holovanareo. »
·
Jehovah Mpanjakan’ny Isiraely, Tompon’ny maro sy
Mpanavotra, voalohany sy farany, izany hoe maharitra sy tsy miova mandrakizay (Isaia 44:6).
ü (Isaia 44:6)
« [Ny amin'i Jehovah, Mpanjakan'ny
Isiraely, sy ny amin'ny sampin'ny jentilisa] Izao no lazain'i Jehovah, Mpanjakan'ny Isiraely, dia Jehovah,
Tompon'ny maro, Mpanavotra azy: Izaho no
voalohany, ary Izaho no farany: Ka tsy misy Andriamanitra afa-tsy Izaho. »
·
Dia toy izany ihany aty aoriana:
(1 Samoela
12:24) « Matahora an'i Jehovah ianareo, ka manompoa Azy marina amin'ny
fonareo rehetra; fa eritrereto izao zavatra lehibe nataony ho anareo
izao. »
Deotoronomia 6:4-5 « Mihainoa
ry Isiraely, Jehovah Andriamanitsika dia Jehovah iray ihany. » « Ary tiava an'i
Jehovah Andriamanitrao amin'ny fonao rehetra sy ny fanahinao rehetra ary ny
herinao rehetra. »
·
Ireo teny ireo dia
ampahatsiarovin’i Jesosy ho antsika Kristiana ankehitriny ao amin’ny Matio
12:30-33, sady hamafisiny amin’ny fitivana ny namana, ka ambarany fa ambony
lavitra noho ny fanatitra rehetra mety hataon’ny olona izany.
·
Hazavain’i Jaona kosa ny tokony
hahatakarana ny antsoina hoe fitiavana an’i Jehovah Andrimanitra, ary ambarany
fa ny fitandremana ny didiny no dikan’izany (1 Jaona 5:2-3):
(1 Jaona 5:2) « Izao no
ahafantarantsika fa tia ireo zanak'Andriamanitra isika, dia ny itiavantsika
an'Andriamanitra sy ny ankatoavantsika ny didiny. » (1 Jaona 5:3) « Fa izao no fitiavana an'Andriamanitra, dia ny
hitandremantsika ny didiny, sady tsy mavesatra ny didiny. »
·
Ny fitiavana hitandrina ny
didin’i Jehovah koa dia lazain’i Jesosy fa endriky ny firaisany amin’izay manao
izany, tahaka ny maha-iray Azy sy ny Ray, Jaona
14:20-21.
(Jaona 14:20)
« Amin'izany andro izany dia ho fantatrareo fa Izaho ao amin'ny Raiko, ary
ianareo ato amiko, ary Izaho ao aminareo. » (Jaona 14:21) « Izay manana ny didiko ka mitandrina izany, dia
izy no tia Ahy; ary izay tia Ahy no ho tian'ny Raiko, ary Izaho ho tia azy ka
hiseho aminy. »
ð Mampahatsiro Jehovah fa Izy irery ihany no Andriamanitra; tsy miova an’i
Jehovah hatramin’ny voalohany ka hatramin’ny farany; ary tsy miova ny didiny sy
lalàny mandrakizay, sy ny fanekeny hanavotra ny olona izay tia sy mankatò Azy,
izay mitandrina ny didiny sy handova ny Fanjakany.
Deotoronomia 6:5 « Ary tiava an'i Jehovah Andriamanitrao amin'ny fonao rehetra sy ny
fanahinao rehetra ary ny herinao rehetra. »
Maniry fifandraisana akaiky amin’ny oolony Andriamanitra, ary nanome azy
ireo ity didy tena iliny ity izay hamatotra azy ireo aminy.
1. Raha ny fitiavana no mivaly
fitiavana, fankasitrahana ary fifampitokisana (4:37), dia hahalala Azy sy ho
faly amin’ny fifandrisana aminy eo anivon’ny fanekena ifanaovany aminy ireo
olony ireo.y faharoa,
2.
Amin’ity hoe ny didy lehibe
sady voalohany ity, miaraka amin’ny fharoa izay mandidy ny olona ho tia ny
namany tahaka ny tenany, dia ireo no ihantonn’ny Lalàna rehetra sy ny mpaminany (Matio 22:37-40).
3. Ny ten mhatanteraka ny fankatoavana an’Andriamanitra sy ny lalàny dia ny
fifiangana sy ny fiorenan’izany eo amin’ny finoana sy ny fitiavana
an’Andriamanitra irery ihany.
Deotoronomia 6:6-9 « Ary aoka ho ao am-ponao izao teny andidiako anao anio izao. » (Deo
6:7) « Dia ampianaro tsara ny zanakao izany, ary resaho, na mipetraka ao
an-tranonao ianao, na mandeha any an-dalana, na mandry, na mifoha; »
1.
Tian’Andriamanitra hiraikitra ao am-pontsika ny Teniny (Salamo 119:11). Hoy koa ny Apostoly
Paoly hoe: “Aoka ny
tenin’i Kristy hitoetra betsaka ao aminareo (Kolosina 3:16). Azo tanteraina izany amin’ny fandinihana tsy tapaka isan’andro ny Soratra
Masina (Salamo 119:97-100).
2.
Ny fanabeazana ny zanaka araka ny lalàn’Andriamanitra no
tokony ho andraikitra lehibe indrindra eo amin’ny ray aman-dreny.
3.
Ny fampianarana ara-panahy dia hanana fototra ao
an-tokantrano, ka mandray anjara feno amin’izany ny ray sy ny reny. Ny vavaka
atao amin’Andriamanitra ao an-tokantrano dia tsy safidy tsy akory fa didy
mivantana avy amin’Andriamanitra mihitsy (and. 7-8).
4.
Ny tanjon’ny fampianarana ataon’ny ray aman-dreny dia ny
hahatonga ny zanaka hatahotra an’Andriamanitra, handeha araka ny lalany
rehetra, ho tia sy hahay hanksitraka Azy, ary hanompo Azy amin’ny fony rehetra
sy ny fanahiny rehetra.
5.
Ny mpino dia tsy maintsy miezaka hanome ho an’ny zanany
fanabeazana mifototra tanteraka eo amin’Andriamanitra, ka ahitana fa ny
zava-derehetra dia mifandray amin’Andriamanitra.
Jaona 15:1-8
[Fanoharana
ny amin’ny voaloboka sy ny sampany, ary ny firaisan’i Jesosy sy ny mpianany
Jona 15:1 Izaho ny tena voaloboka
Amin’ity
fanohrna ity, Jesosy dia milazalaza ny tenany ho “ny tena oaloboka”, ary ireo
olona tonga mpianany no “sampny”. Fraha tafaray aminy izay loharanompiinana
ireo dia mamokatra. Andriamanitra no mpiandry saha (and 2, 8). Manantena
antsika rehetra hamokatra Andriamanitra.
Jaona 15:2 Ny sampany rehetra
Sokajin-tsampana anakiroa
no resahin’i Jesosy, dia ny mahavokatra sy ny tsy mahavokatra.
1. Atao hoe tsy mahavokatra ny sampana rehefa tsy manana ny
fiainana ao anatiny intsony, dia ily fiainana vokatry ny finoana maharitra an’i
Kristy sy Andriamanitra Rainy Izay nampahalalain’i Kristy, sy ny fitiavana Azy
ireo. Esorin’ny Ray amin’ny voaloboka ireny “sampana” ireny, izany hoe sarahiny
amin’i Kristy tsy hanana firaisana aina aminy. Rehefa tsy mitoetra ao amin’i
Kristy intsony manko ireny, dia tsy misy aina intsony koa; ary tapahina izy ka
atsipy ao anaty afo (and 6).
2. Atao hoe mahavokatra kosa ny sampana manana fiainana ao
anatiny noho ny amin’ny finoana maharitra an’i Kristy sy ny Ray izay naniraka
Azy, sy ny fitiavana Azy ireo. amboarin’ny Ray kosa ireny sampana ireny mba
hahatonga azy hamokatra bebe kokoa. Izany hoe, esoriny amin’ny fiainan’izy ireo
izay rehetra mamilivily na manankatsakana ny fototr’ain’i Jesosy tsy hikoriana
ao anatiny. Ny vokatra dia ny hatsaran-toetran’ny Kristiana izay manome
voninahitra an’Andriamanitra eo amin’ny fiainan’ny tena sy ny fijoroana ho
vavolombelona.
Jaona 15:4 Tomoera amiko
Rehefa mino an’i Jesosy
Kristy ho Zanak’Andrimanitra (1 Jaona
5:5) sy ny Fanjakan’Andriamanitra izay notoriny ny olona iray (Marka 16:15-16), ka mibebaka amin’ny
fahotany sy atao batisa, dia voavela heloka (Atao batisa amin’ny anaran’i Jesosy, Asa 2:38). Ny
fametrahan-tanana ataon’ny mpisorona aminy aorian’izany no anorontoronin’ny
Fanahy Masina azy toy ny zanaka mitsaika ao an-kibon-dreniny, koa ny reny eto
dia ny Fiangonan’Andriamanitra. Ny Fanahy Masina izay nanorontoronana azy dia
manome hery ilay mpino hiaina sy handeha araka ny Fanahy, ary izany no antsoina
hoe mitoetra ao amin’i Kristy. Ireto no fepetra
ahazoantsika mitoetra ao amin’i Kristy:
1. Maharitra mihazona ny Tenin’Andriamanitra ao amin’ny fo
sy ny saintsika (Sal 119:97-100), ka
ny Fanahy Masina izay mitoetra ao anaty noho ny fanorontoronana azy no mpitarika
ny fiainany amin’ny maha zanak’Andriamanitra azy, tarihin’ny Fanahin’Andrimanitra
(Sal 119:97-100) (97)
« Endrey ny fitiavako ny lalànao! Fisaintsainako mandrakariva
izany. » (98) « Ny didinao
mampahahendry ahy mihoatra noho ny fahavaloko, Satria ato amiko mandrakizay
ireny. » (99) « Hendry
noho ny mpampianatra ahy rehetra aho, Satria ny teni-vavolombelonao no
fisaintsainako. » (100)
« Hendry noho ny anti-panahy aho, Satria ny didinao no
notandremako. »
(Romana 8:14) « Fa izay tarihin'ny Fanahin'Andriamanitra no
zanak'Andriamanitra. »
(Galatiana 5:16) « Fa hoy izaho: Mandehana araka ny Fanahy, dia
tsy hahatanteraka ny filan'ny nofo ianareo. »
2. Mizatra amin’ny fiombonana akaiky amin’i Kristy hatrany
mba hahafahana manovo hery aminy (Gala
5:16-25)
Jaona 15:6 Raha misy tsy miray amiko, dia ariana eny ivelany tahaka
ny sampany izy, dia hatsipy ao anaty afo ka ho may.
Ny fanoharana ny amin’ny voaloboka sy ny sampany dia
manazava tsara mihitsy fa i Kristy dia tsy nino ilay hoe “rehefa ao amin’ny
voaloboka dia ao mandrakizay.” Fampitandremana lehibe sady feno fitiavana no
nomen’i Jesosy ny mpianany; fa ny tena mpino marina dia mbola mety hiala
amin’ny tena finoana any am-parany any, hiodina ka handà an’i Jesosy, tsy
hahatoetra ao aminy ary dia hatsipy any amin’ny helo afo mandrakizay.
1.
Ny fitsipika fototra mifehy ny fifandraisana mahavonjy
misy eo amin’i Kristy sy ny mpino, dia tsy fifandraisana tsy mihetsika velively
ka haorina fotsiny amina fanampahan-kevitra sy traikefa nitranga tamin’ny lasa.
Ny marina dia fifandraisana mivoatra izy io rehefa mitoetra ao anatin’ilay
mpino i Kristy ka mifampizara aminy ny fiainany maha Andriamanitra Azy.
Jaona 15:7 « Raha miray
amiko ianareo, ka mitoetra ao anatinareo ny teniko, dia angataho izay tianareo
na inona na inona, fa ho tonga aminareo izany. »
Ny fitoerana ao amin’i Kristy, izany hoe finoana Azy ho
Zanak’Andriamanitra, sy finoana ny Fialazantsaran’ny Fanjakan’Andriamanitra
notoriny no tsiambaratelon’ny fahazoana valim-bavaka. Koa mazotoa mianatra
Soratra Masina sy mitandrina izay nandidian’i Jehovah Andriamanitra Ray sy
Jesosy Kristy Zanany.
Galatiana 5:16-26
Manana hevitra mifanipaka ny olona amin’ny fomba tokony hanehoana ny fitiavana an’Andriamanitra ao amin'ny fiainan'ny Kristiana. Nefa ataon'Andriamanitra mazava tsara fa ny fitiavana Azy dia aseho amin'ny fankatoavana ny Didy Folo! Ny fankatoavana ireo didy efatra voalohany dia maneho fitiavana an'Andriamanitra. Ary ny fankatoavana ireo didy enina farany dia maneho fitiavana ny mpiara-belona. Hoy Jesosy ao amin’ny Matio 22: 37-40:
(Matio 22:37)
« Dia hoy Jesosy taminy: Tiava an'i Jehovah Andriamanitrao amin'ny fonao
rehetra sy ny fanahinao rehetra ary ny sainao rehetra (Deo. 6. 5). » (Matio 22:38) « Izany no didy
lehibe sady voalohany. » (Matio
22:39) « Ary ny faharoa, izay tahaka azy ihany, dia izao: Tiava ny namanao tahaka ny tenanao (Lev. 19. 18). » (Matio 22:40)
« Izany didy roa izany no ihantonan'ny lalàna rehetra sy ny
mpaminany. »
Mampahatsiahy ny Didy folo Jesosy raha miteny ireo
teny ireo.
ü
ü Ny olona manompo ny filan’ny
nofo kosa no antsoina hoe AMBAN’NY
LALÀNA, satria enjehin’ny lalàna noho izy mandika lalàna.
ü Ny fitiavana ny namana, mazava ho azy, fa manomboka amin’ny namana akaiky anao indrindra fa
tsy ny any ivelany na lavitra akory. Ny namanao akaiky sy voalohany ary ambony
indridra dia ny vady raha manam-bady, ary ny ray amandreny sy ny mpiraitampo,
raha tsy manam-bady; dia ny zanaka koa. Lazain’i Jesosy eto hoe: “Tiava ny
namanao tahaka ny tenanao”. Ianao tsy hanisy ratsy ny tenanao mihintsy.
Raha tena Kristiana ianao, ny tenanao dia momba ny tenan’i Kristy. Koa
hampanota ny momba ny tenan’i Kristy va ianao? Sanatia izany! Raha Kristiana
koa ianao dia fonenan’ny Fanahy Masina sady Fiangonan’Andriamanitra. Koa tsy
handoto ny fonenan’ny Fanahy Masina sy ny Fiangonan’Andriamanitra ianao!
·
Ireto teny ao
amin’ny Romana 6:14-23 ireto no hanampy
antsika hahatakatra izany.
Ambanin’ny lalàna sa amban’ny
fahasoavana?
(Romana 6:14)
« Fa ny ota tsy hanan-kery aminareo; fa tsy mba ambanin'ny lalàna ianareo,
fa ambanin'ny fahasoavana. » (Romana 6:15) « Ahoana ary? hanota va
isika, saingy* tsy ambanin'ny lalàna, fa ambanin'ny fahasoavana? Sanatria izany! » [*saingy = satria]. (Romana
6:16) « Tsy fantatrareo va fa raha manolo-tena ho mpanompo ianareo na ho
an'iza na ho an'iza, dia mpanompon'izay
arahinareo ianareo, na ny ota ho amin'ny fahafatesana, na ny fanarahana ho
amin'ny fahamarinana? »
(Romana 6:17) « Ary isaorana anie Andriamanitra,
fa na dia efa mpanompon'ny ota aza ianareo, ny fonareo dia efa nanaraka ny
fomban'ny fampianarana izay nanolorana anareo; » (Romana 6:18) « ary rehefa natao afaka tamin'ny ota ianareo, dia tonga
mpanompon'ny fahamarinana. » (Romana 6:19) « Miteny araka ny
fanaon'ny olona aho noho ny fahalemen'ny nofonareo; fa tahaka ny nanoloranareo
ny momba ny tenanareo ho mpanompon'ny fahalotoana sy ny tsi-fanarahan-dalàna
hahatanteraka ny tsi-fanarahan-dalàna, dia mba atolory
ankehitriny toy izany koa ny momba ny
tenanareo ho mpanompon'ny fahamarinana hahatanteraka ny fahamasinana. »
(Romana 6:20) « Fa fony mpanompon'ny ota ianareo,
dia afaka tamin'ny fahamarinana. » [Tsy nanao fahamarinana] (Romana 6:21) « Inona ary no vokatra azonareo fahiny tamin'izay
zavatra mahamenatra anareo ankehitriny? fa fahafatesana no hiafaran'izany zavatra izany. »
Izany no antsoina hoe
ambanin’ny lalàna, satria mpanompon’ny ota.
(Romana 6:22) « Fa ankehitriny, rehefa natao afaka tamin'ny ota ianareo ka efa tonga
mpanompon'Andriamanitra, dia manana ny
vokatrareo ho amin'ny fahamasinana, ary ny farany dia fiainana mandrakizay. »
(Romana 6:23) « Fa fahafatesana no
tambin'ny ota; ary fiainana mandrakizay no fanomezam-pahasoavana avy
amin'Andriamanitra ao amin'i Kristy Jesosy Tompontsika. » Izany no antsoina hoe amban’ny fahasoavana, satria
mpanompon’ny fahamarinana.
FEHINY
ð Maniria ny
hanana fiainana mandrakizay fa aza maniry ny fahafatesana mandrakizay! Mibebaha ary
miverena amin’Andriamanitra; ary amin’izao sisa izao, aza manota intsony. (Jaona 8:11) « Hoy Jesosy: Izaho koa tsy manameloka
anao; mandehana, ary amin'izao sisa izao dia aza manota intsony »
ð Ampiasao ny
fahasoavana nomen’Andriamanitra anao dia ny fitarihan’ny Fanahy Masina.
(Gal 5:16)
« Fa hoy izaho: Mandehana araka ny Fanahy, dia tsy hahatanteraka ny
filan'ny nofo ianareo. » (Gal 5:17)
« Fa ny nofo manohitra ny Fanahy, ary ny Fanahy manohitra ny nofo; ary
mifanohitra izy roroa, mba tsy hahazoanaroeo manao izay zavatra
tianareo. » (Gal 5:18)
« Fa raha tarihin'ny Fanahy ianareo, dia tsy mba ambanin'ny lalàna. »
» (Gal 5:24) « Fa izay
an'Kristy Jesosy dia efa nanombo ny nofony mbamin'ny faniriany sy ny filany
tamin'ny hazo fijaliana. » (Gal
5:25) « Raha velon'ny Fanahy isika, dia aoka handeha araka ny
Fanahy. » (Gal 5:26)
« Aoka isika tsy handrani-tena foana ka hifampihaika sy
hifampialona. »