MANDROSO HO ANY AMIN’NY FANJAKAN’ANDRIAMANITRA
NY HERIN’NY FANAHY MASINA
AFAKA MITOETRA AO ANATINTSIKA
NY HERIN’NY FANAHY MASINA
TENIN’ANDRIAMANITRA
Ezekiela 36:33-38
Jaona 14:15-24
1 Korintiana 3:16-20
Ezekiela 36:33-38
[Ny fifampiankinan'ny famonjena ny Isiraely sy ny fahamasinany]
(Ezekiela 36:33) « Izao no lazain'i Jehovah Tompo: Amin'ny andro hanadiovako anareo ho afaka amin'ny helokareo rehetra dia hametrahako mponina ao amin'ny tanana, ary haorina indray ny efa rava. » (Ezekiela 36:34) « Ary hasaina ny tany efa lao, fa tsy ho lao eo imason'ny mpandalo rehetra intsony izy. » (Ezekiela 36:35) « Fa holazainy hoe: Ity tany efa lao ity dia tonga tahaka ny saha Edena; ary ny tanàna efa foana sy lao dia misy mponina sady asiana manda; » (Ezekiela 36:36) « ka dia ho fantatry ny jentilisa sisa manodidina anareo fa Izaho Jehovah no manorina indray ny efa rava sy mamboly izay efa foana. Izaho Jehovah no niteny sady hahatanteraka izany. » (Ezekiela 36:37) « Izao no lazain'i Jehovah Tompo: Mbola hotadiavin'ny taranak'Isiraely Aho amin'ny hanaovako izao ho azy; hohamaroiko toy ny ondry ny olony. » (Ezekiela 36:38) « Toy ny ondry aman'osy masina, izay any Jerosalema amin'ny fotoam-pivavahana, dia toy izany no hahafenoan'ny tanànany efa lao amin'ny olona maro toy ny ondry aman'osy; ka dia ho fantatra fa Izaho no Jehovah. »
Jaona 14:12-24
(Jesosy nampanantena fanampiana manokana)
(Jaona 14:15) « Raha tia Ahy ianareo, dia hitandrina ny didiko. » (Jaona 14:16) « Ary Izaho hangataka amin'ny Ray, ary Izy hanome anareo Mpananatra* hafa mba ho eo aminareo mandrakizay, [*Gr. Parakleto, dia Mpanampy, na Mpampahery, na Solovava] » (Jaona 14:17) « dia ny Fanahin'ny fahamarinana, Izay tsy azon'izao tontolo izao horaisina, satria tsy hitany na fantany; fa ianareo no mahafantatra Azy, satria mitoetra eo aminareo Izy, ary ho ao anatinareo. » (Jaona 14:18) « Tsy hamela anareo ho kamboty Aho; hankaty aminareo Aho. » (Jaona 14:19) « Vetivety foana dia tsy hahita Ahy intsony izao tontolo izao; fa ianareo no hahita Ahy; satria velona Aho, dia ho velona koa ianareo. » (Jaona 14:20) « Amin'izany andro izany dia ho fantatrareo fa Izaho ao amin'ny Raiko, ary ianareo ato amiko, ary Izaho ao aminareo. » (Jaona 14:21) « Izay manana ny didiko ka mitandrina izany, dia izy no tia Ahy; ary izay tia Ahy no ho tian'ny Raiko, ary Izaho ho tia azy ka hiseho aminy. » (Jaona 14:22) « Hoy Jodasy (tsy Iskariota) taminy: Tompoko, nahoana no aminay ihany no hisehoanao, fa tsy amin'izao tontolo izao koa? » (Jaona 14:23) « Jesosy namaly ka nanao taminy hoe: Raha misy tia Ahy, dia hitandrina ny teniko izy; ary ny Raiko ho tia azy, ary hankao aminy Izahay ka honina ao aminy. » (Jaona 14:24) « Izay tsy tia Ahy dia tsy mitandrina ny teniko; ary ny teny izay renareo dia tsy Ahy, fa an'ny Ray izay naniraka Ahy. »
1 Korintiana 3:16-20
(Asehon’Andriamanitra amintsika ny herin’ny Fanahy Masina)
(1 Korintiana 3:16) « Tsy fantatrareo va fa tempolin'Andriamanitra ianareo, ary ny Fanahin'Andriamanitra mitoetra no anatinareo? » (1 Korintiana 3:17) « Raha misy manimba ny tempolin'Andriamanitra, dia mba hosimban'Andriamanitra kosa izy; fa masina ny tempolin'Andriamanitra, dia ianareo izany*. [* Na: dia masina koa ianareo] » (1 Korintiana 3:18) « Aza misy mamita-tena. Raha misy eo aminareo manao azy ho hendry amin'izao tontolo izao, aoka ho adala izy mba ho hendry. » (1 Korintiana 3:19) « Fa ny fahendren'izao tontolo izao dia fahadalana eo anatrehan'Andriamanitra; fa voasoratra hoe: Ny hafetsen'ny hendry ihany no entiny misambotra azy (Joba 5. 13). » (1 Korintiana 3:20) « Ary indray: Jehovah no mahalala ny hevitry ny hendry fa zava-poana izany (Sal. 94. 11) »
TORITENY
AFAKA MITOETRA AO ANATINTSIKA NY HERIN’NY FANAHY MASINA
Ezekiela 36:33-38
Ampahatsiarovin’i Jehovah eto ny teny nomeny ny fiangonana tamin’ny Sabata heriny, manao hoe:
(Ezekiela 36:25) « Dia hofafazako rano madio ianareo, ka hadio; ny mba ho afaka amin'ny fahalotoanareo rehetra sy ny sampinareo rehetra no hanadiovako anareo. » (Ezekiela 36:26) « Ary homeko fo vaovao ianareo, ary fanahy vaovao no hataoko ao anatinareo, ary hesoriko amin'ny nofonareo ny fo vato, ka homeko fo nofo ianareo. » (Ezekiela 36:27) « Ary ny Fanahiko no hataoko ao anatinareo, ka hahatonga anareo handeha araka ny lalàko sy hitandrina ny fitsipiko ka hanaraka azy. » (Ezekiela 36:28) « Ary honina any amin'ny tany izay nomeko ny razanareo ianareo, ka ho oloko ianareo, ary Izaho ho Andriamanitrareo. » (Ezekiela 36:29) « Ary hovonjeko ho afaka amin'ny fahalotoanareo rehetra ianareo, ary hantsoiko sy hataoko vokatra ny vary, ary tsy hanaterako mosary intsony ianareo; » (Ezekiela 36:30) « ary hataoko vokatra koa ny voankazo sy ny vokatry ny saha, mba tsy ho voalatsan'ny jentilisa amin'ny mosary intsony ianareo. »
Anio kosa Izy miteny hoe:
(Ezekiela 36:33-38) « Izao no lazain'i Jehovah Tompo: Amin'ny andro hanadiovako anareo ho afaka amin'ny helokareo rehetra dia hametrahako mponina ao amin'ny tanàna, ary haorina indray ny efa rava. »
Rehefa avy manadio ny olona amin’ny helony rehetra Izy, sy hanasitrana ny tany, dia hitondra olona marina betsaka ho ato amin’ny Fiangonana’Andriamanitra Miray, izay naorina eto Madagasikara, aty amin’ny Faritra Afrika Atsinana: “haorina indray eto an-tany ny efa rava”.
Hasaina ny tany efa lao, tsy ho lao eo imason'ny mpandalo rehetra intsony. Fa holazainy hoe: Ity tany efa lao ity dia tonga tahaka ny saha Edena; Ny tanàna efa foana sy lao dia misy mponina sady asiana manda; Dia ho fantatry ny jentilisa sisa manodidina anareo fa Izaho Jehovah no manorina indray ny efa rava sy mamboly izay efa foana. Izaho Jehovah no niteny sady hahatanteraka izany. Izao no lazain'i Jehovah Tompo: Mbola hotadiavin'ny taranak'Isiraely Aho amin'ny hanaovako izao ho azy; hohamaroiko toy ny ondry ny olony. Toy ny ondry aman'osy masina, izay any Jerosalema amin'ny fotoam-pivavahana. Toy izany no hahafenoan'ny tanànany efa lao amin'ny olona maro toy ny ondry aman'osy; ka dia ho fantatra fa Izaho no Jehovah. »
Jaona 14:12-24
Jesosy nampanantena fanampiana manokana, ary niteny hoe:
“Raha tia Ahy ianareo, dia hitandrina ny didiko. Ary Izaho hangataka amin'ny Ray, ary Izy hanome anareo Mpananatra* hafa mba ho eo aminareo mandrakizay. [*Gr. Parakleto, dia Mpanampy, na Mpampahery, na Solovava]. Izany Mpananatra izany dia ny Fanahin'ny fahamarinana, Izay tsy azon'izao tontolo izao horaisina, satria tsy hitany na fantany; fa ianareo no mahafantatra Azy, satria mitoetra eo aminareo Izy, ary ho ao anatinareo.” è Mitoetra ao anatintsika ny Fanahin’Andriamanitra; Heleloia!
“Tsy hamela anareo ho kamboty Aho; hankaty aminareo Aho. Vetivety foana dia tsy hahita Ahy intsony izao tontolo izao; fa ianareo no hahita Ahy; satria velona Aho, dia ho velona koa ianareo.”
“Ho fantatrareo fa Izaho ao amin'ny Raiko, ary ianareo ato amiko, ary Izaho ao aminareo. Izay manana ny didiko ka mitandrina izany, dia izy no tia Ahy; ary izay tia Ahy no ho tian'ny Raiko, ary Izaho ho tia azy ka hiseho aminy. Raha misy tia Ahy, dia hitandrina ny teniko izy; ary ny Raiko ho tia azy, ary hankao aminy Izahay ka honina ao aminy. Izay tsy tia Ahy dia tsy mitandrina ny teniko; ary ny teny izay renareo dia tsy Ahy, fa an'ny Ray izay naniraka Ahy.
1 Korintiana 3:16-20
(Asehon’Andriamanitra amintsika ny herin’ny Fanahy Masina)
(1 Korintiana 3:16) « Tsy fantatrareo va fa tempolin'Andriamanitra ianareo, ary ny Fanahin'Andriamanitra mitoetra no anatinareo? » (1 Korintiana 3:17) « Raha misy manimba ny tempolin'Andriamanitra, dia mba hosimban'Andriamanitra kosa izy; fa masina ny tempolin'Andriamanitra, dia ianareo izany*. [* Na: dia masina koa ianareo] » (1 Korintiana 3:18) « Aza misy mamita-tena. Raha misy eo aminareo manao azy ho hendry amin'izao tontolo izao, aoka ho adala izy mba ho hendry. » (1 Korintiana 3:19) « Fa ny fahendren'izao tontolo izao dia fahadalana eo anatrehan'Andriamanitra; fa voasoratra hoe: Ny hafetsen'ny hendry ihany no entiny misambotra azy (Joba 5. 13). » (1 Korintiana 3:20) « Ary indray: Jehovah no mahalala ny hevitry ny hendry fa zava-poana izany (Sal. 94. 11) »
Manohy ny asany Andriamanitra, amin'ny tanjona lehibe izay ataony ho an'ny olona.
Namorona ny olombelona Izy - izay sangan'asany amin'ny zavaboariny rehetra - avy amin'ny vovoky ny tany, araka ny endrik’Andriamanitra. (Gen. 1:26, 2: 7).
(Genesisy 1:26) « Ary Andriamanitra nanao hoe: Andeha Isika hamorona olona tahaka ny endritsika, araka ny tarehintsika ; ary aoka izy hanjaka amin'ny hazandrano ao amin'ny ranomasina sy ny voro-manidina sy ny biby fiompy sy ny tany rehetra ary ny biby rehetra izay mandady na mikisaka amin'ny tany. »
(Genesisy 2:7) « Ary vovo-tany no namoronan'i Jehovah Andriamanitra ny olona, ary nofofoniny fofonaina mahavelona ny vavorony; dia tonga olombelona izy. »
Rehefa noforonina ny olona dia tsy mbola napetrak’Andriamaitra tao aminy ny Fanahy Masina. Nefa dia amin'ny alalan'io hery io no ahafahan'ny olombelona mitandrina ny lalàna ara-panahy, ny Lalàn'ny fitiavana, izany hoe ny Didy Folo.
Jesosy Kristy tonga nanambara ny fotoana manetriketrika hahatongavan'ny Fanahy Masina: (Jaona 7:38-39) « Izay mino Ahy, dia hisy onin'ny rano velona miboiboika avy ao an-kibony, araka ny voalazan'ny Soratra Masina. » (Jaona 7:39) « Ary ny Fanahy, Izay efa horaisin'ny mino Azy, no nolazainy tamin'izany; fa ny Fanahy* tsy mbola nomena, satria Jesosy tsy mbola niditra tamin'ny voninahiny. [* Na: Fanahy Masina] »
Hoy Jesosy amintsika: (Lioka 11:13) « Koa raha ianareo, na dia ratsy aza, mahalala hanome zava-tsoa ho an'ny zanakareo, tsy mainka va ny Ray, Izay any an-danitra, no hanome ny Fanahy Masina ho an'izay mangataka aminy? » (Jaona 15:7) « Raha miray amiko ianareo, ka mitoetra ao anatinareo ny teniko, dia angataho izay tianareo na inona na inona, fa ho tonga aminareo izany. »
ð Nampianatra antsika i Jesosy fa raha tsy mahazo ny Fanahin'Andriamanitra isika dia tsy afaka hiditra amin'ny fanjakan'Andriamanitra mihitsy.
ð Nahoana?
ð Satria amin'ny alalan'ny Fanahin'Andriamanitra ihany no ahafahantsika mampitombo ny toetran'Andriamanitra lavorary, masina sy marina eto amin'ity fiainana ity, ary hatsangana ho amin'ny fiainana mandrakizay isika, mankamin'ny Fianakavian'Andriamanitra, amin'ny fiverenan'i Kristy!
Angataho ary ny Fanahy Masina, toy izao manaraka izao:
ð Jehovah Andriamanitra Rainay Ô! Amin’ny anaran’i Jesosy Kristy, Tompo sy Mpamonjy ny fiainanay, no angatahanay aminao anio, raha sitrakao, ny hanatanterahanao ilay teny fikasanao manao hoe :
ð (Ezekiela 36:25) « Dia Hofafazako rano madio ianareo, ka hadio; ny mba ho afaka amin'ny fahalotoanareo rehetra sy ny sampinareo rehetra no hanadiovako anareo. » (Ezekiela 36:26) « Ary homeko fo vaovao ianareo, ary fanahy vaovao no hataoko ao anatinareo, ary hesoriko amin'ny nofonareo ny fo vato, ka homeko fo nofo ianareo. » (Ezekiela 36:27) « Ary ny Fanahiko no hataoko ao anatinareo, ka hahatonga anareo handeha araka ny lalàko sy hitandrina ny fitsipiko, ka hanaraka azy. »
Misaotra Ray Ô! Amena.
Isika rehetra mila manana ny Fanahy Masina.
Ny Apostoly Petera, izay nahazo ny tsindrimandrin’Andriamanitra, dia nanondro ny fomba handraisana io hery io: (Asan'ny Apostoly 2:38) « Ary hoy Petera taminy: Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina. »
ð Araka izany, dia afaka mitoetra ao anatintsika ankehitriny ny Fanahy Masina. Izy no maneho ny hery tokana ahafahantsika hitandrina tsara ny didin'Andriamanitra, mba hahazoana ny fitahiana, sy ho afaka mandova fiainana mandrakizay indray andro any.
Asehon’Andriamanitra Ny Herin'ny Fanahy Masina
1. Aiza no mitoetra ny fahefana? Iza no tompon'ny hery? Sal. 62:11 Hain’Andriamanitra ve ny zava-drehetra? Mat. 7:26 ... Tsy milaza ve izany fa mahery indrindra Izy? And io ihany.
(Salamo 62:11) « Indray mandeha no nitenenan'Andriamanitra; indroa no nandrenesako hoe: an'Andriamanitra ny hery. »
(Matio 7:26-29) « Fa izay rehetra mandre izany teniko izany, nefa tsy mankatò azy, dia hoharina amin'ny lehilahy adala, izay nanorina ny tranony teo ambonin'ny fasika. » (7:27) « Ary latsaka ny ranonorana, ka nisy riaka be, sady nifofofofo ny rivotra ka namely izany trano izany; dia nianjera izy, ka loza ny fianjerany. » (7:28) « Ary nony efa vitan'i Jesosy izany teny izany, dia talanjona ny vahoaka noho ny fampianarany, » (Matio 7:29) « satria nampianatra azy toy izay manana fahefana Izy, fa tsy tahaka ny mpanora-dalàna teo aminy. »
2. Iza no namorona ny lanitra sy ny tany? Gen. 1: 1. Moa ve Andriamanitra nanao izany rehetra izany tamin'ny heriny? Jer. 32:17.
(Genesisy 1:1) « Tamin'ny voalohany Andriamanitra nahary ny lanitra sy ny tany. »
(Jeremia 32:17) « Indrisy, Jehovah Tompo ô! Indro, Hianao no nanao ny lanitra sy ny tany tamin'ny herinao lehibe sy ny sandrinao ahinjitra, ary tsy misy zava-mahagaga izay tsy hainao. »
Fanamarihana: Herin’Andriamanitra lehibe, sady Herim-pamoronana no anambaran’Andriamanitra ny Fanahy Masina. Andriamanitra Ray sy ny Zanaka dia Fanahy. Mitovy fihetseham-po izy ireo. Masina Andriamanitra (1 Sam. 2: 2). Ny Fanahiny, izany hoe ny Fanahy Masina, dia afaka manao zavatra mahatalanjona.
(1 Samoela 2:2) « Tsy misy masina tahaka an'i Jehovah, fa tsy misy afa-tsy Hianao; ary tsy misy vatolampy tahaka an'Andriamanitsika . »
(1 Korintiana 10:4) « ary izy rehetra nisotro ny fisotrom-panahy iray ihany; fa nisotro tamin'ny vatolampy fanahy izay nanaraka azy izy, ary Kristy izany vatolampy izany. »
3. Andriamanitra afaka manova ny angovo mpamorona, tsy hita maso, ho zavaboary fizika hita maso. Heb.ll: 3.
(Hebreo 11:3) « Finoana no ahafantarantsika fa ny tenin'Andriamanitra no nanaovana izao tontolo izao, ka dia tsy izay zavatra miseho no nanaovana izao zavatra hita izao. »
4. Ahoana no fampiasan'Andriamanitra io hery io amin'ny asany famoronana? Sal. 148: 1-5, ary 33: 9. Jereo koa Gen. 1: 2-3.
[Fiantsoana izao rehetra izao hidera an'Andriamanitra] (Salamo 148:1-5) « Haleloia. Miderà an'i Jehovah, ry any an-danitra; Miderà Azy any ambony. » (148:2) « Miderà Azy, ry anjeliny rehetra; Miderà Azy, ry miaramilany rehetra. » (148:3) « Miderà Azy, ry masoandro amam-bolana; Miderà Azy, ry kintana mazava rehetra. » (148:4) « Miderà Azy, ry lanitry ny lanitra, Ary ianareo rano ambonin'ny lanitra. » (148:5) « Aoka hidera ny anaran'i Jehovah ireo; Fa Izy no nandidy, dia ary ireo. »
(Salamo 33:9) « Fa Izy no niteny dia ary izany; Izy no nandidy, dia nitoetra mafy izany. »
(Genesisy 1:2-3) « Ary ny tany dia tsy nisy endrika sady foana; ary aizina no tambonin'ny lalina. Ary ny fanahin'Andriamanitra nanomba tambonin'ny rano. » (1:3) « Ary Andriamanitra nanao hoe: Misia mazava; dia nisy mazava. »
Fanamarihana: Nandidy Andriamanitra hoe: "Misia mazava," ary ny Fanahy, mifindra eny ambonin'ny rano, no nanatanteraka ny baiko: dia "nisy mazava." Ny Fanahy Masina dia hery manatanteraka fahagagana ary mandresy ny sakana rehetra. Io Fanahin'ny hery io no tokony hananantsika ao amintsika.
5. Vakio ny Joba 26:11-13, mba hahazoana hevitra misimisy kokoa momba ny herin'Andriamanitra tsy manam-petra.
(Joba 26:11) « Ny andrin'ny lanitra nihozongozona sady ankona amin'ny teny mafy ataony. » (Joba 26:12) « Ny heriny no entiny mampanonja ny ranomasina, ary ny fahendreny no anorotoroany an-dRahaba*; [Izahao ix. 13] » (Joba 26:13) « Ny fanahiny no mahatsara tarehy ny lanitra; Ny tànany no nitomboka ny menarana mandositra. »
6. Tamin'io Herim-Panahy io no namoronan’Andriamanitra ny olona. Gen. 2: 7; Jaona 1: 1-2.
(Genesisy 2:7) « Ary vovo-tany no namoronan'i Jehovah Andriamanitra ny olona, ary nofofoniny fofonaina mahavelona ny vavorony; dia tonga olombelona izy. »
(Jaona 1:1) « Tamin'ny voalohany ny Teny, ary ny Teny tao amin'Andriamanitra (Elohim), ary ny Teny dia Andriamanitra (Elohim). » (Jaona 1:2) « Izy dia tao amin'Andriamanitra (Elohim) tamin'ny voalohany. »
7. Miharihary eo amin'ny famoronana zavaboary io hery mandrakizay io. Rom. 1: 20.
(Romana 1:20) « Fa ny fombany tsy hita, dia ny heriny mandrakizay sy ny mah'Andriamanitra Azy, dia miseho hatramin'ny nanaovana izao tontolo izao, fa fantatra amin'ny zavatra nataony; ka dia tsy manan-kalahatra* ireo; [* Na: Mba tsy hanan-kalahatra] »
Fanamarihana: Afaka manao ny zavatra rehetra Andriamanitra (Lioka 1:37). Ary fantaro fa afaka ho ao aminao koa ny ampahany amin'ny hery izay nahariany an'izao rehetra izao, sy ireo kintana tsy tambo isaina (1 Korintiana 3:16).
(Lioka 1:37) « Fa tsy hisy tsy ho tanteraka ny teny rehetra ataon'Andriamanitra. » (Tsarovy ny Ezekiela 36:25-27).
(1 Korintiana 3:16) « Tsy fantatrareo va fa tempolin'Andriamanitra ianareo, ary ny Fanahin'Andriamanitra mitoetra no anatinareo? »
8. Mitety ny zava-drehetra sy manerana izao rehetra izao ny Fanahy Masina. Sal. 139: 7-8.
(Salamo 137:7) « Jehovah ô, tsarovy amin'ny taranak'i Edoma ny andron'i Jerosalema, dia ireo izay nanao hoe: Ravao, ravao izy hatramin'ny fanorenany. » (Salamo 137:8) « Ry Babylona zanakavavy izay efa resy*, sambatra izay mamaly anao araka izay nataonao taminay.[Na: ho resy] »
è Mivavaka eto ny Mpanao Salamo, mba hamalian’Andriamanitra amin’ny alalan’ny Fanahy Masina, ny fahavalo izay nadrava an’i Jerosalema sy nitondra ny fireneny ho babo tany Babylona. Afaka mivavaka toy izany koa ianao, mba hamalian’Andriamanitra ny fahavalo nandrava ny asa tsara izay nataonao. Amena!
9. Manohana ny zava-drehetra amin'ny Fanahiny Masina ve Andriamanitra? Neh. 9: 6, Heb. 1: 3. Manjaka amin’ny heriny ve Izy? Sal. 66: 7.
(Nehemia 9:6) « Hianao dia Hianao irery ihany no Jehovah; Hianao no nanao ny lanitra, dia ny lanitry ny lanitra, mbamin'izay rehetra any aminy, ny tany sy izay rehetra eo aminy, ny ranomasina sy izay rehetra ao aminy, ary Hianao no mamelona azy rehetra; ary ireo maro any an-danitra samy miankohoka eo anatrehanao. »
(Hebreo 1:3) « Izy koa no famirapiratan'ny voninahiny sy endriky ny tenany indrindra ary mihazona ny zavatra rehetra amin'ny herin'ny teniny; ary rehefa nanao fanadiovana hahafaka ny fahotana Izy, dia nipetraka teo amin'ny tanana ankavanan'ny Lehibe any amin'ny avo » (Hebreo 8:1) « Ary amin'izany zavatra lazainay izany dia izao no fotony: Manana Mpisoronabe toy izany isika, dia Ilay efa mipetraka eo amin'ny ankavanan'ny seza fiandrianan'ny Avo Indrindra any an-danitra. »
(Salamo 66:7) « Manjaka mandrakizay amin'ny heriny Izy, ary ny masony mandinika ny firenen-tsamy hafa; aoka tsy hanandra-tena ny maditra. »
Fanamarihana: Eto koa dia ahitantsika fanehoana vaovao ny herin'ny Fanahy Masina izay tsy maintsy mitoetra sy miasa ato amintsika. Andriamanitra manohana ny zavatra rehetra amin'ny herin'ny Fanahy Masina.
Jesosy Nampanantena Fanampiana Manokana Rehefa avy nampianatra ny mpianany nandritra ny telo taona sy tapany i Jesosy dia nanolotra ny tenany ho sorona noho ny otan’ny olombelona, ary nohomboana tamin'ny hazo fijaliana. Nitsangana tamin'ny maty Izy rehefa nilevina telo andro sy telo alina tao am-pasana, ary niakatra any an-danitra, mipetraka eo ankavanan'ny Rainy. Ny Apostoliny no nanohy ny asa efa natombony teto an-tany.
Rehefa napahafantarin’Andriamanitra antsika kosa ankehitriny izay fampianarana nampitain’ny Apostoly, dia iskia indray no manohy izany asa masina izany.
Noho izany, toy ireo Apostoly ireo, dia tsy maintsy mitory Filazantsara tsy malaza ho amin'ny tontolo izay mankahala izany isika. Tsy maintsy hiatrika fanenjehana, sy fanesoana, ary ady mafy koa angamba any amin’ny amin'ny farany any! Mila hery, sy fampaherezana ary fahendrena toy ireo Apostoly ireo isika. Mila fitiavana, sy faharetana ary fiaretana hanaraka ny dian'i Kristy isika, ary hanatanteraka ny asa nanirahana antsika, izany hoe hitory ny Filazantsara izay notorin’izy ireo.
Tokony hahatsiaro ireo lesona nampianarin'i Kristy nandritra ny asa fanompoany teto an-tany koa isika. Amin'ny maha-olona "tsy nianatra" araka ny fanaon’izao tontolo izao antsika, dia mila fahendrena isika hiatrehana ireo filozofa, “manam-pahaizana”, sy “maranin-tsaina” amin'izao androntsika izao. Mila finoana sy herim-po isika mba hiatrehana ny fankahalan’ireo mpitondra fivavahana hafa izay miezaka mamongotra ny Fiangonan'Andriamanitra.
Hoy i Jesosy amintsika: (Jaona 14:18) « Tsy hamela anareo ho kamboty Aho; hankaty aminareo Aho. »
Araka izany, manohy mampianatra sy manohana antsika ara-panahy i Kristy, tahaka izay nataony tamin’ny Apostoly.
Ny Raintsika any an-danitra dia hanome hery antsika amin'ny ezaka izay atao, hanaparitaka ny Filazantsara marina manerana izao tontolo izao.
Ny Fanahy Masina no hanome ny hery ilaintsika ho vavolombelon’i Kristy amin’izao tontolo izao (Asa 1: 8).
(Jaona 14:26) « Ny Mpananatra*, dia ny Fanahy Masina, Izay hirahin'ny Ray amin'ny anarako, Izy no hampianatra anareo ny zavatra rehetra sy hampahatsiaro anareo ny zavatra rehetra izay nolazaiko taminareo. [*Gr. Parakleto, dia Mpanampy, na Mpampahery, na Solovava] »
(Asan'ny Apostoly 1:8) « Fa hahazo hery ianareo amin'ny hilatsahan'ny Fanahy Masina aminareo, ary ho vavolombeloko any Jerosalema sy eran'i Jodia sy Samaria ary hatramin'ny faran'ny tany. »
Fanampiana Sy Fampiononana Ho An'ny Kristianina Rehetra
Tsy noferan’i Kristy ho an'ny Apostoly irery ny fanampian'ny Fanahy Masina. Hoy ny Apostoly Petera tamin'ny vahoaka tafangona tao Jerosalema tamin'ny andro Pentekosta, (Asan'ny Apostoly 2:38) « Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina. »
Noho izany, afaka manana ny hery ahazoana miaina ny lalana mitondra fiadanana, sy fahasambarana ary fiainana mandrakizay ao amin'ny Fanjakan'Andriamanitra isika. Amena! Saingy avy any any amin'Andriamanitra any an-danitra ihany io hery io - tsy avy ao anatinao, na avy amin’ny manodidina anao.
Ny Apostoly Jakoba nilaza hoe: (Jakoba 1:17) « Ny fanomezan-tsoa rehetra sy ny fanomezana tanteraka rehetra dia avy any ambony ka midina avy amin'ny Rain'ny fanazavana, Izay tsy misy fiovaovana na aloka avy amin'ny fihodinana. » Vonona Andriamanitra hanome hery ara-panahy, sy fahatakarana ny Lalàny sy fitsipiny, amin'ny alàlan'ny fanomezana ny Fanahy Masiny — raha toa isika manaraka ireo fepetra voalaza ao amin'ny Teniny.
Ny Fanahy Masina izany no fanalahidy amin'ny fitahian'Andriamanitra. Izy no hany fitaovana hanome antsika ny fitiavan'Andriamanitra, ny fifaliana sy ny fiadanana eto amin'ity fiainana ity, ary ho mandrakizay.